Nëse keni vendosur që të ndaloni pirjen e duhanit, atëherë duhet të dini se është shumë e rëndësishme që të ndryshoni dietën tuaj në mënyrë që të mos shtoni peshë, thonë shkencëtarët zviceranë.

Ata këshillojnë që dieta pas lënies së duhanit duhet të jetë e pasur me fruta dhe perime, sepse ndihmon që të mos shqetësohet flora e zorrëve dhe të ndihmojë tretjen e mirë, transmeton portal arbresh.info

Shkencëtarët nga Universiteti i Cyrihut thonë se 80 përqind e pirësve të duhanit shtojnë mesatarisht deri në shtatë kilogramë pasi ndalojnë së piri duhan, dhe kryesisht bëhet fjalë për akumulimin e depozitave të yndyrës.

Pirja e duhanit në vende publike, qytetarët të pakënaqur me punën e institucioneve

Siç shpjegojnë ata, problemi është në zorrët, sepse kur ndaloni pirjen e duhanit, përbërja e florës së zorrëve ndryshon, dhe kështu ndodh majmëria. Akumulimi i peshës së tepërt ndodh edhe tek ata që hanë të njëjtën sasi dhe lloj ushqimi, të cilin e hanë gjatë pirjes së duhanit.

Profesori Gerhard Rogler, udhëheqësi i ekipit në Universitetin e Cyrihut, identifikoi ndryshimin si shkakun e fryerjes së shpejtë dhe konfirmoi se bakteret proteobaktere dhe bakteroide dominojnë zorrët e pothuajse të gjithë njerëzve të trashë.

“Flora e re e zorrëve, e cila në shumicën e rasteve formohet pas ndërprerjes së pirjes së duhanit, përdor energji nga ushqimi që hamë shumë më me efektshmëri”, shpjegoi profesori Rogler./arbresh.info/